Гостиварската компанија НАНО ПРИНТ од денес започнува со донирање компјутери
на ученици од семејства од социјално ранливите категории, кои во овие тешки
времиња не се во состојба да им обезбедат услови за онлајн учење на своите
деца.
“Во време на пандемијата сакавме да помогнеме на нашите најмили и увидовме дека има многу деца кои што немаат можност за следење на он-лајн (OnLine )
наставата и донесовме одлука за донација од нашиот домен. Планираната инвестиција во опрема за нашата компанија, решивме да ја пренасочиме во донација од 55 (педесет и пет) персонални компјутери како помош за децата (ученици) кои потекнуваат од
социјално загрозени семејства. Со оваа донација сакаме да им помогнеме за да почнат да ја следат наставата и да не заостануваат зад нивните врсници. На состанокот во општина Гостивар со Координативниот совет за дистрибуција на помош ја презентиравме идејата и предложивме тие состават список на ученици на кои компјутерот им е најнеопходен”, вели Ќенан Садику од НАНИ ПРИНТ.
