Претседателот Стево Пендаровски ја прими Сузане Шутц, директорка за Југоисточна Европа, Турција и државите на ЕФТА, во Министерството за надворешни работи на Германија.
Како што информираат од претседателскиот кабинет, соговорниците, меѓудругото, размениле мислења и информации во однос на предизвиците што произлегуваат од бегалската и мигрантската криза.
Пендаровски рекол дека земјава континуирано ја следи состојбата и презема мерки и активности за успешно справување со кризата.
На средбата биле разменети мислења и за односите меѓу Северна Македонија и Германија и било констатирано дека истите се карактеризираат со искрено пријателство, заемна почит и разбирање.
Пендаровски изразил задоволство од, како што реклол, значајниот придонес на Германија на нашиот европски и евро-атлантски пат, изразен преку отворена, силна и принципиелна заложба за донесување одлука за почеток на пристапните преговори со ЕУ.
НАЈЧИТАНО НА ИНТЕРНЕТ...
