Долниот дом на шпанскиот Парламент го ратификува Протоколот за НАТО

Долниот дом на шпанскиот Парламент утринава го ратификува Протоколот за пристапување на Северна Македонија во НАТО.

„Долниот дом во Мадрид утрово го ратификуваше пристапниот НАТО-протокол со 279 гласа за и 1 глас против! Muchas Gracias! Следната и последна станица: Сенатот …“, напиша на социјалните мрежи министерот за надворешни работи, Никола Димитров.

Шпанија е последната земја од членките на НАТО која треба да го ратификува Протоколот. Процесот таму се оддолжи поради изборите и формирањето на Владата./Makfax