Сончево и ветровито со температура до 13 степени

Времето денеска ќе биде сончево со мала до умерена облачност. Ќе дува слаб до умерен ветер од северозападен правец, поизразен по должината на Повардарјето. Кон крајот на денот облачноста ќе се зголеми и во крајните северни и североисточни делови ќе има услови за слаб дожд и провејување слаб снег. Максималната температура ќе биде во интервал од 6 до 13 степени.

Во Скопје во текот на денот ќе биде претежно сончево, кон крајот на денот облачноста ќе се зголеми и ќе дува слаб до умерен северен ветер. Максималната температура ќе достигне 10 степени.