Царовска: Бараме да се донесе закон за да ни донесе правда, ВМРО-ДПМНЕ тоа го кочи

Во нејзиното гостување на „360 степени“ во Алсат, Mила Царовска, вицепремиерка на Владата на РСМ и воедно потпретседателка на СДСМ, во однос на ситуацијата со кочењето на законот за обвинителство во Собранието, посочи дека за две ипол години правда не може да донесе ниту една влада, тука се потребни повеќе системски решенија.
„Токму затоа сега во собранието бараме да се донесе закон кој што е системски поставен, за да ни донесе правда во наредниот период. Но гледаме, дека ВМРО – ДПМНЕ токму тоа го кочи, нема политичка партија која што вели сака да има избори на 12ти април, а притоа работи спротивно на интересите на граѓаните, потребите на граѓаните и исто така работи спроти интересите на државата, “, нагласи вицепремиерката Царовска, во гостувањето на „360 степени“.