Во програмата „Инклузија на деца Роми во предучилишното образование“ се вклучуваат и општините Неготино, Струмица и Кавадарци, со што престојот на децата во градинките ќе биде ослободен од партиципација, за децата чии семејства се во социјален ризик, соопшти Министерството за труд и социјална политика.
Над 450 деца Роми се веќе ослободени од плаќање партиципација за посетување градинка, како резултат на заложбите на Владата и Министерството за системско решавање на ова прашање. Ослободувањето го прават локалните самоуправи врз основа на блок-дотaции коишто ќе ги добијат од Министерството за труд и социјална политика.
„Целта на ослободувањето од партиципација е еднаква вклученост на сите деца во предучилишното образование, бидејќи раниот детски развој е многу важен за понатамошниот развој и едукација на секој поединец. Со цел да се обезбеди квалитетeн ран детски развој, изминатите две и пол години континуирано се работеше на јакнење на предучилишното образование. Инвестирано е во вкупно 43 градинки, а истовремено се зголемуваат и професионалните компетенции на воспитувачите, преку различни програми, но и со зголемување на платите. Само во текот на минататa година платите на вработените во градинките се зголемени за 26 проценти“, велат од МТСП.
НАЈЧИТАНО НА ИНТЕРНЕТ...
