Centar.mk – Вести, бизнис, забава, спорт…
ТЕМАМАКЕДОНИЈА

Пендаровски на форум во Израел по повод Меѓународниот ден за сеќавање на холокаустот

Претседателот Стево Пендаровски, утре и задутре, ќе престојува во посета на Израел, каде што ќе учествува на лидерски форум по повод Меѓународниот ден за сеќавање на холокаустот, 27 јануари, и 75-годишнината од ослободувањето на нацистичкиот логор на смртта Аушвиц – Биркенау.

Форумот ќе се одржи во светскиот меморијален центар на холокаустот, „Јад Вашем“, во Ерусалим, на 23 јануари, а се очекува присуство на над 40 шефови на држави и влади, како и членови на кралски семејства.

Во рамките на форумот претседателот Пендаровски ќе присуствува на конференцијата на тема „Сеќавање на холокаустот и борба против антисемитизмот“, како и на меморијална церемонија на полагање цвеќе.

Пендаровски ќе има билатерална средба со претседателот на Израел, Реувен Ривлин, како и со други шефови на држави и влади учесници на форумот.

За време на присуството на форумот во Израел, Пендаровски ќе биде придружуван од сопругата, Елизабета Ѓоргиевска.

Можеби ќе ве интересира

ИЗДРЖЕТЕ УШТЕ ДВА ДЕНА НА ОВИЕ ЖЕШТИНИ: Доаѓа ПАД на температурите и ДОЖД со засилен ветер! – Детална прогноза за претстојните денови

ДЕСК

Од недела дожд и пад на температурите

C +

Активни седум пожари во државата

C +