Првиот кинески широкопојасен сателит, со комуникациски капацитет од 10 гигабајти во секунда, е испратен во вселената од Центарот за лансирање сателити „Џиучуен“.
Сателитот е лансиран од ракета-носачот КЗ-1А кој го направи комерцијалната вселенска компанија „Галакси спејс“.
Во многу оддалечени области, како што се пустини и океани, не се постигнува телекомуникациски сигнал, пренесува Кинеското меѓународно радио (CRI). Овој вид сателит во ниска орбита помага да се добие стабилен и брз сигнал во пустините и океаните, како и во брзите возови и авиони.
