Шефот на словачката дипломатија Мирослав Лајчак изјави дека следните месеци ќе бидат клучни за односите помеѓу Европска Унија и земјите од Западен Балкан и предупреди на ризиците со кои ќе се соочи ЕУ ако не испрати јасен сигнал за регионот.
„Неопходно е да се изнајде нов консензус за отворање на пристапните преговори со Северна Македонија и Албанија, да се подобри политиката на проширување и да се подготви мајскиот Самит на ЕУ и Западен Балкан“, рече Лајчак на Конференцијата за стратешките предизвици на ЕУ на Западен Балкан 2020 година, што се одржува во Берлин.
Тој смета дека ЕУ мора да го покаже своето влијание во регионот на Западен Балкан.
