Јакнење на капацитетите, кадровски, инфраструктурно и технички она што е потребно и она на што треба да се насочиме во следниот период, посочи Виолета Качакова, проектен менаџер на трибината на СДСМ “Агенда – Култура 20-24”, во Музејот на современа уметност во Скопје.
Во граѓанскиот сектор се случува сериозен човечки капитал, со знаење и искуство во европски проекти, развој на програми и заеднички акции на уметниците, наши со странски, истакна Качакова.додавајќи дека потребата на граѓанскиот сектор од простор и финансирање се јавува како нужна во денешно време.
Јакнење на граѓанскиот сектор преку соработка со институционалниот и вклучување на поддршка и кофинансирање не само на државата, туку и други начини на кофинансирање на централно ниво, преку општините, градот и поддршка од меѓународни фондови, како и проекти со јавно-приватно партнерство е потреба која се наметнува.
Она што е важно е и дека голем дел од уметниците немаат ден стаж, а постои систем на бенефиции во случај ако се добие статус на слободен уметник министерството ги покрива придонесите за стаж, здравство и социјала. Но треба да се подобрат критериумите и бројот на корисници да се зголеми, заклучи Качакова.
