Скопското Обвинителство донесе наредба за спроведување истражна постапка против едно лице кое се обидело да го убие својот брат за време на новогодишната ноќ во семејниот дом во селото Чајлане, Сарај.
„Двајцата браќа најпрвин почнале да се расправаат, па во еден момент осомничениот од џебот извадил нож и неколкупати го прободел оштетениот во вратот, нанесувајќи му убодни рани од животозагрозувачки карактер“, информираат од Обвинителството.
Надлежниот јавен обвинител до Основниот кривичен суд Скопје достави предлог за определување мерка притвор на осомничениот, бидејќи постојат околности кои упатуваат на опасност тој да се даде во бегство, можност да го повтори, односно да го доврши обиденото кривично дело, како и да ја попречува кривичната постапка со влијание врз оштетениот, сведоците и вештаците.
НАЈЧИТАНО НА ИНТЕРНЕТ...
