Додека ние сега сме шампиони во спроведување на енергетските реформи, ВМРО-ДПМНЕ се шампиони во заробување на државата, изјави премиерот Заев на денешната трибина „На прав пат“, на СДСМ во Скопје.
Тој зборуваше за успесите на владејачката партија, но и за работите кои ги направила претходната власт.
– Во два бардаци вода да им дадеш да чуваат и двата ќе ги украдат и ќе избегаат во Будимпешта – изјави Заев, алудирајќи на бегството на поранешниот премиер Никола Груевски.
Премиерот потоа истакна дека Македонија „конечно е на вистинскиот пат, на патот на слободата“.
– Нема таков суд кој ќе го сопре овој пат, патот кон правдата и слободата – истакна Заев.
