Зоран Заев губи контакт со реалноста. Наместо најавените 216 милиони, како што беше најавено, се задолжи со плус 80 милиони и со тоа за еден ден го зголеми долгот на државата за речиси 300 милиони евра, велат од ВМРО-ДПМНЕ.
Од партијата додаваат дека откако Заев е на власт, јавниот долг на државата се зголемил вкупно 914 милиони евра.
„Од денес јавниот долг е фрапантни 5 милијарди и 700 милиони евра. Загрижувачки и недозволиво е јавниот долг за 31 месец да порасне за нови 914 милиони евра, а притоа нивото на капитални инвестиции да е најниско во историјата на државата со 40 отсто за цели 10 месеци од годинава или 36 отсто доколку не направеа ребаланс. Сите влади за 15 години од 2002 до 2017 година ја задолжиле државата со 3 милијарди евра, а Зоран Заев за три години 914 милиони, односно безмалку 1 милијарда“, велат од ВМРО-ДПМНЕ.
