Вчера во СВР Скопје било пријавено дека во 17:00 часот на улица „Методија Митевски“, пред продажен објект, полицискиот службеник Ј.Ј., кој во моментот не бил на работа, се обидел да запре две лица за кои се посомневал дека ќе извршат кривично дело во објектот.

Како што информира МВР, кон него бил испукан проектил од огнено оружје. Ј.Ј. се здобил со повреда во раката и бил префрлен здравствена установа за укажување на лекарска помош. Полицијата работи на расчистување на случајот.