„Само Мицкоски и ВМРО-ДПМНЕ не смогнаа сила да го честитаат успехот во Лондон, во НАТО, само тие не се израдуваа“, рече претседателот Зоран Заев на граѓанската трибина „На прав пат“ во Битола.
„Еден за сите – сите за еден е мотото на НАТО, тоа сакавме да го направиме и дома, да се обединиме, да бидеме заедно, да се приклучи и ВМРО-ДПМНЕ, ама тие не сакаа, затоа што нивната цел е само гола власт“, порача Заев.
Претседателот Заев порача дека откако ВМРО-ДПМНЕ ќе се реформира ќе има можност да излезе пред граѓаните и да побара поддршка.
„Тие нека се реформираат, нека бараат нови лидери, а ние ќе тераме по правиот пат, тоа е пат на напредокот, на повисоки плати, на повеќе пари кај граѓаните, тоа е пат кон НАТО и ЕУ“, рече Заев.
