Од полноќ е укината забраната за движење на тешки товарни возила на магистралниот пат А2 Гостивар – Стража -Кичево и обратно, информира АМСМ.
Сообраќајот на државните патишта се одвива по претежно влажни коловози. Забраната за камиони на патниот правец Маврово – Дебар е укината во 6:15 часот.
Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
