Времето во текот на ноќта беше променливо облачно, во повисоките места со слаб до умерен ветер од југозападен правец. Изутринава во Маврово и Лазарополе има врнежи од дожд.
Во текот на денот ќе биде променливо облачно, во западните подрачја со повремен дожд. Во вечерните и ноќните часови врнежите ќе се прошират и во останатите делови и ќе се интензивираат. Ќе дува умерен, во западните делови повремено засилен ветер од југозападен правец. Максималната температура ќе биде во интервал од 12 до 19 степени.
Во Скопје ќе биде променливо облачно со слаб до умерен јужен ветер. Во текот на ноќта ќе има повремен дожд. Максималната температура ќе достигне до 14 степени.
