Владата на вчерашната седница донесе одлука за нова дополнителна субвенција за килограм предадено грозје во регистрирани винарници.
„Висината на дополнителната субвенција оваа година ќе биде 2 денара за килограм и дополнително проширена. Конкретно, субвенцијата ќе биде наменета не само за винските сорти ‘вранец’ и ‘смедеревка’, туку и за сортите ‘кратошија’, ‘станушина’, ‘бургундец црн’, ‘жилавка’ и ‘кадарка’ од реколтата 2019, предадени во регистрирани капацитети за производство на вино“, информираат од Министерството за земјоделство.
Од таму додаваат дека со новата дополнителна субвенција од 2 денара за килограм предадено грозје се очекува да се намалат загубите на производителите на винско грозје.
