Секогаш во средиштето на збиднувањата...

Купиле 50 печки на пелети, но никогаш не ги платиле

Надворешната канцеларија за криминалистички работи Дебар поднесе кривична пријава против правното лице ДПУ „ДЕЛТА ГРУП 2018 ДООЕЛ’’ од Скопје, А.Љ.(33) и С.Р.(24), двајцата од Скопје, поради постоење основи на сомнение за сторено кривично дело ,,измама“.

На 25.08.2019 од фирма од Дебар, второпријавениот, како управител на пријавеното правно лице, направил нарачка на 50 печки на пелети, кои биле испорачани на 26/27.08.2019, а третопријавениот со товарно возило ги транспортирал до Скопје. Пријавените не ги исплатиле издадените фактури за испорака, со што нанеле материјална штета на фирмата од Дебар во вредност од 3.201.075 денари.