Во текот на ноќта најмногу дожд наврна во Пожаране, Тетово, Маврово, Лазарополе, Дебар, Охрид, Крушево и Струмица.
Времето денеска ќе биде претежно облачно со повремени врнежи од дожд, кои во западните делови ќе бидат пообилни (локално 20л/м2). Во вечерните часови врнежите ќе престануваат, а облачноста ќе се намали. Ќе дува умерен, на места засилен ветер од јужен и југоисточен правец. Максималната температура ќе биде во интервал од 15 до 20 степени.
Во Скопје, претежно облачно со повремен дожд и со умерен, повремено засилен ветер од југоисточен правец. Максималната температура ќе достигне до 18 степени.
