Времето денеса ќе биде претежно облачно и свежо, во утринските часови со слаби локални врнежи од дожд, особено во југоисточниот дел од земјава, информира УХМР.
Ќе дува слаб до умерен ветер од северен правец. Дневната температура ќе биде во интервал од 9 до 16 степени.
Во Скопје, претежно облачно со слаб ветер од северен правец. Температурата ќе достигне до 14 степени.
Во следните денови ќе преовладува претежно облачно време со повремен локален дожд, особено утре во југоисточните делови. Од недела ќе дува умерен, повремено засилен југоисточен ветер и ќе има пораст на дневната температура. Во понеделник под влијание на нов влажен бран се очекуваат врнежи на повеќе места.
