Секогаш во средиштето на збиднувањата...

Недела на јапонски филм во Скопје и Битола

Тринаесеттото издание на Недела на јапонски филм во Кинотеката на Северна Македонија ќе почне на 29 октомври во 20 часот. Оваа година филмската недела првпат ќе патува и до Центарот за култура Битола.

Настанот во Скопје ќе го отвори јапонската амбасадорка Кеико Ханеда, а селекцијата на четирите играни и анимирани филмови од сите жанрови е за сите возрасти.

Во вторник, 29 октомври, во Кинотеката ќе биде прикажан филмот „Гласот на учителот“, в среда „Ошин“, в четврток „Рудолф црниот мачор“, в петок „Самурај мачка”. Проекциите ќе почнат во 20 часот.

Во Центарот за култура Битола во вторник, на 5 ноември, со почеток во 20 часот ќе биде прикажан „Гласот на учителот“ и од 22 часот „Ошин“, в среда (06.11.) со почеток во 18 часот ќе биде прикажан „Рудолф црниот мачор“, а од 20 часот „Самурај мачка”.

Влезот е слободен, но местата се ограничени. Резервации можат да се направат на билетарите од понеделник до петок на 02 3065 968 за Скопје и 047 520 151 за Битола.