Работник од ЕВН загина по пад од далновод

Во тетовската полиција, работник од ЕВН утрово пријавил смрт на неговиот 43-годишен колега.

Според пријавата, тие отстранувале дефект од далновод во близина на тетовското село Џепчиште, при што 43-годишниот работник од село Милетино паднал и починал на местото на настанот.

По пријавата, извршен бил увид од Јавен обвинител и увидна екипа од СВР Тетово.