Министерството за земјоделство, шумарство и водостопанство, по барање на Јавното претпријатие „Национални шуми“, донесе одлуката за укинување на забраната за движење во шума донесена на 7 август.
„Одлуката за делумна забрана за движење во шума беше донесена поради појавата на голем број шумски пожари, а се укинува поради тоа што во моментов, согласно добиените информации од терен, нема активни пожари и нема опасност од појава на нови шумски пожари“, соопштија од Министерството.
Од таму информираат дека екипите на Државниот инспекторат за земјоделство, Шумската полиција и Државниот инспекторат за шумарство и ловство и во следниот период ќе ја следат состојбата на терен.
ПОПУЛАРНО НА ИНТЕРНЕТ...
