10. август 2025
Centar.mk – Вести, бизнис, забава, спорт…
БИЗНИС

Економското јакнење на жените, тема на дискусија организирана од Американската стопанска комора

Во рамките на Неделата на женски права и родова еднаквост, Американската стопанска комора (Амчам) и Националниот демократски институт (НДИ) беа домаќини на панел-дискусија на тема „Економско јакнење на жените“.

Американската амбасадорка Кејт Брнс, пратеничката Лилјана Затуроска, државната секретарка при Министерството за труд и социјална политика, Јована Тренчевска, директорката за национална продажба на „Авон“, Дана Стојкова, истражувачката од Реактор, Снешка Илиќ, главниот извршен директор на ЕВН, Штефан Петер, и извршната директорка на Американската стопанска комора, Дијана Десподов, дискутираа за моменталната економска состојба на жените, како и за механизми за рамноправно учество на жените во економскиот, политичкиот и општествениот живот.

Како што информираат од „Амчам“, клучните забелешки кои произлегле од дискусијата се дека е неопходна имплементација на мерки за зголемување на учеството на жените во економијата, како поделено родителско отсуство, флексибилно работно време, и повеќе институции за згрижување деца и стари лица; конзистентност во политиките кои нема да се менуваат со секоја политичка гарнитура; координација и соработка помеѓу различните чинители во општеството во насока на економско јакнење на жените, особено во руралните области; обезбедување социјална сигурност за жените кои се самовработени; применување на добри практики и примери од други економии; како и надзор над имплементацијата на политиките и мерење на нивната ефикасност.

Американската амбасадорка Кејт Брнс ги запознала присутните со мерките на Владата на САД за економски јакнење на жените ширум светот преку Глобалната иницијатива за развој и просперитет на жените (W-GDP), истакнувајќи дека зголеменото учество на жените во економијата може да го зголеми глобалниот БДП за 12 трилиони долари до 2025. година.

Можеби ќе ве интересира

УЈП продаде запленет стан во Охрид, деловен простор во Струмица, земјиште во Прилеп – вкупно инкасирале 314.230 евра

ДЕСК

Кина речиси ги престигна САД, станува главен трговски партнер на Германија

C +

Инфлацијата ја изеде платата на македонскиот работник – Како преживуваат граѓаните со минималец?

ДЕСК