Претседателот на ВМРО-ДПМНЕ, Христијан Мицкоски во своето гостување во вестите на телевизија 24 по се погласните информации дека направил тешко кривично дело и треба да понесе одговорност откако тој на прес конференција изјави дека ги поседува исказите од истрагата за „Рекет“, порача дека не се плаши и дека е тука доколку власта се одлучи да го апси.
Тој истакна дека доколку истрагата за ,,Рекет“ и натаму се забошотува, опозицијата ќе ги објави исказите на сведоците добиени од свиркач.
-До овој момент немам добиено никава покана од обвинителството за гонење на организиран криминал и корупција, но во епицентарот на заевизмот од Зоран Заев, Вилма Русковска и Кацарска очекувам да Зоран Заев нареди, Вилма Русковска испорача, а Кацарска пресуди. Така што тука сум, гонете, обвинувајте, апсете, вели Мицкоски.
Претседателот на ВМРО-ДПМНЕ вели и дека тој на никаков начин не влијаел на истрагата. -Доколку ние бевме Зоран Заев и организиравме воајерски шоуа кога ќе ги емитувавме тие документи, тогаш можеби би влијаеле на истрагата, додаде тој.
НАЈЧИТАНО НА ИНТЕРНЕТ...
