Kривичнa пријавa против напаѓачите на лекарот во тетовската болница

Полицијата поднесе кривична пријава против двајца браќа во врска со физичкиот напад на лекарот во тетовската болница.

Од МВР соопштија дека е поднесена пријава против А.Б.(43) од тетовска Голема Речица и неговиот брат Л.Б.(40 ) од Тетово, поради основи на сомнение дека сториле кривично дело „насилство“.

Тие се сомничат дека вчера околу 9 часот и 30 минути, на Одделението за кожни болести во тетовската клиничка болница, физички го нападнале лекарот А.Е.( 45 ).

Двајцата осомничнени се приведени во Полициската станица Тетово. Во текот на денешниот ден со соодветен поднесок тие ќе бидат изведени пред судија во Основниот суд Тетово.