Секогаш во средиштето на збиднувањата...

На Табановце се чека повеќе од еден час за излез од земјава

Интензитетот на сообраќај на патните правци надвор од градските средини е зголемен.

АМСМ информимира дека има зголемена фреквенција на возила на ГП Табановце, каде времето на чекање за излез од државата е повеќе од еден час. На останатите гранични премини, од македонска страна, нема подолги задржувања за влез и излез од државата.

Сообраќајот на државните патишта се одвива по суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.