На социјалните мрежи многу граѓани го поставуваат прашањето дали фискалната сметка која е издадена за фирма може да се искористи преку апликацијата Мој ДДВ и на свое лично конто да се запише повратот на ДДВ.
Пример дали може фискалната сметка од точење на гориво за потребите на автомобилите во сопственост на компанијата да се искористи и скенира преку апликацијата Мој ДДВ при што би се направил поврат на личната сметка.
Одговорот е дека ова е строго забрането и казниво согласно закон.
Фискалните сметки издадени за компанија, се прикачуваат на сметкопотврда и понатаму се книжат, па многу лесно инспекторите можат да откријат доколку некој граѓанин ги искористил фискалните сметки на компанијата и за сопствените потреби.
Со цел граѓаните да не се соочат со казна кои направиле ваква грешка, деновиве преку обновената апликација за Мој ДДВ ќе може да направат сторнирање односно бришење на ваквите фискани сметки.
