Генералниот секретар на ВМРО-ДПМНЕ, Игор Јанушев, изјави дека третото видео објавено во врска со случајот „Рекет“ целосно ги разголува премиерот Зоран Заев и обвинителката Катица Јанева.
Нема поголемо лицемерие, вели Јанушев од барањето на Заев правдата да излезе на виделина.
„Од снимките станува јасно дека Зоран Заев е директно вмешан во уценувањето и изнудувањето на милионски износи со цел да се прави пазар со правдата“, рече Јанушев.
Во врска со Јанева, тој искоментира дека од најновите снимки, секој може јасно да слушне колку Јанева разговарала официјално и колку таа била во комуникација само поради истрагата.
ВМРО-ДПМНЕ бара оставки од сите инволвирани во случајот и итни предвремени парламентарни избори.
