На автопатот Демир Капија-клучка Миравци во раните утрински часови на 31 јули се случила сообраќајка меѓу три автомобили во која повредени се 35-годишен Србин, возач на еден од автомобилите и неговиот сопатник, 22-годишно лице исто така од Србија.
Како што информираат од МВР, во сообраќајката учествувале автомобил „пасат“ со српски ознаки, „ауди“ управувано од 24-годишник од скопското село Студеничани и уште едено „ауди“ со тетовски ознаки, управувано од 40-годишник од Скопје.
Поради повредите, двајцата Срби биле пренесени во Медицинскиот центар Гевгелија, а помош им била укажана и на останатите двајца возачи.
Увид на местото на настанот извршила полициска екипа од Гевгелија.
ПОПУЛАРНО НА ИНТЕРНЕТ...
