Економијата тоне, а се помалку пари има кај граѓаните и бизнисмените, велат од опозициската ВМРО-ДПМНЕ, истакнувајќи дека фирмите уплатиле 1/3 помалку данок на добивка во вториот квартал 2019, во однос на истиот квартал лани.
„Бизнисот е закован на дното. Покрај од лошите економски политики, стопанството страда и од рекетот кој го врши власта на чело со Заев. Не може да има раст, кога Криминалниот октопод на власта, на чие чело е Зоран Заев рекетира кого ќе стигне. Нема бизнис во државата кој не е изрекетиран. Нема граѓанин кој не е понижен“, се наведува во партиското соопштение.
Во него се додава дека граѓаните се во страв, бидејќи од затвор се пуштаат убијци и тешки криминалци, а во затвор завршуваат граѓани за сторен прекршок кога немаат пари да си ја платат казната.
За да се рзреши ваквата ситуација, од ВМРО-ДПМНЕ сметаат дека неопходини се предвремени парламентарни избори час поскоро.
