Секогаш во средиштето на збиднувањата...

Приказна за магарето што падна во бунар

Еден ден едно магаре паднало во бунар. Животното со часови жалосно завивало и селанецот се обидувал со денови да смисли што да направи.

На крајот заклучил дека животното е старо и дека и онака требало да го затрупа бунарот – не помислил дека магарето е вредно за спасување. Ги повикал сите свои соседи на помош. Секој од нив земал лопата и почнале да фрлаат земја во бунарот.

Магарето сфатило што се случува и престрашено завивало. Меѓутоа набргу престанало. По некое време селанецот погледнал во бунарот, и глетката го изненадила.

Со секоја лопата земја која паѓала врз него, магарето правело нешто неверојатно: ја тресело земјата од себе и застанувало на неа.

Сите се зачудиле кога магарето зачекорило преку ивицата од бунарот и поминало.

Слично на ова, материјалниот свет секогаш над вас ќе фрла ѓубре, бидејќи е полн со невољи. Трикот да се ослободите од неволјата е да се истресете и да направите чекор напред.

Секој од нашите проблеми е отскочна даска. Можеме да излеземе од најдлабоките бунари, така што никогаш нема да застанеме и да се откажеме. Истресете ја невољата од себе и направете чекор напред!

Ослободете го срцето од омраза, ослободете го умот од грижи, живејте едноставно…

Фото: Pixabay