Компаниите „Бритиш ервејс“ и „Луфтханза“ ги обновија летовите за Каиро

Британската авиокомпанија „Бритиш ервејс“ соопшти дека ќе ги обнови летовите за Каиро кои ги запре минатата недела поради безбедносни закани.

„По деталните безбедносни проценки, авион на ‘Бритиш ервејс’ денеска во 17 и 20 часот ќе полета за Каиро“, соопшти компанијата.

Сигурноста и безбедноста на нашите клиенти и екипажот, додаваат од таму, секогаш ни е приоритет.

И германската авиокомпанија „Луфтханза“ привремено ги запре летовите за Каиро, но ги обнови во неделата.