Владеењето на Зоран Заев и она што се случува додека е тој премиер е еден вид на политичка криза, рече портпаролот на ВМРО-ДПМНЕ, Димче Арсовски, запрашан дали опозициската партија ќе чувствува одговорност доколку поради неусвојувањето на законот за Јавно обвинителство, пропадне шансата за датум за преговори со ЕУ во октомври и земјата западне во криза.
„Оваа афера на рекетирање е самa по себе политичка криза позади која што стои Зоран Заев и неговото раководство. Да бидеме реални таму се вклучени луѓе кои што требаше на еден начин да го расчистат криминалот кој што говореа дека го има во Република Македонија“, рече Арсовски.
Според него, единствен виновник доколку земјата не добие датум за преговори во октомври, ќе биде Зоран Заев затоа што, како што кажа, во моментов тој е на чело на Владата и на партијата од каде што никнува најголемата афера за рекетирање во Република Македонија.
