Вчера напладне на регионалниот пат Прилеп-Македонски Брод, кај влез за селото Дебреште, се случила сообраќајна незгода помеѓу трактор „ИМТ“ со прилепски регистарски ознаки, управуван од О.М.(39) од селото Дебреште и камион со прилепски регистарски ознаки, управувано од Б.С.(33) од Крушево.
МВР јави дека во незгодата со тешки телесни повреди се здобил возачот на тракторот, а со телесни повреди се здобила неговата сопатничка.
Тие биле пренесени во болницата во Прилеп, а полицијата извршила увид на местото на несреќата.
