Ване Цветанов, поранешениот директор на Агенцијата за спречување на перење пари и актуелен водач на здружението „Зелена лупа“ објави дека починал уште еден обвинет во аферата „Змиско око“ кој не го дочекал неговото повторно судење.
– „Чекајќи ја ветената правда, почина уште еден наш соборец.- Звонко Бојаровски од Тетово, притваран, суден и психички малтертиран во случајот “Змиско око”. Случајот Змиско око е базиран на вештачење од вештак во 2007-ма година, а вештакот добил лиценца во 2010-та година. Што значи незаконско и непрофесионално вештачење”, напиша тој, пренесе Фактор.
Додава дека случајот Змиско око сеуште се влече по судови, веќе 12 години, а Звонко е четврта жртва од овој случај кој што почина чекајќи ја ветената правда.
Цветанов додаде дека „боли тоа кога слуги на поранешниот режим добиваат ослободителни одлуки, а ветената правда за жртвите е блокирана и се чува во фиоки“.
