Санкционирани 46 лица за брзо возење во Скопје

Во периодот од 6 часот на 5 јули до 6 часот на 6 јули, Одделението за безбедност на патниот сообраќај при Секторот за внатрешни работи Скопје спроведе акциска контрола за санкционирање на возачи на моторни возила кои ја пречекориле дозволената брзина на движење.

Притоа, како што јави МВР, сторени се вкупно 46 прекршоци од страна на возачи на моторни возила.

Откриени се и 72 останати прекршоци при што издадени се 52 прекршочни платни налози и 20 мандатни платни налози.