Како што дознава Centar.mk екс-министерот за финансии Зоран Ставревски бил повикан минатата недела во Финансиската полиција.
Дека Ставревски бил во Финансиската полиција говорат и фотографиите кои пристигнаа до нашата редакција.
Засега не е позната причината за овој распит, но Ставревски претходно беше осомничен и во истрагата “Подарок” на Специјалното јавно обвинителство.
Во истрагата „Подарок“ осомничени се Ставрески и Јанакиески, дека во периодот од јануари 2012 година до јули 2014 ја злоупотребиле службената положба и овластувањата и го оштетиле Буџетот за речиси 33 милиони евра, бидејќи прибавиле имотна корист за руска компанија. Рускиот долг требало да се регулира со изградба на гасоводот Клечовце- Блок станица 5, за цена далеку повисока од реалната. Со една реченица, Македонија фактички со свои средства си го платила гасоводот, а дологот на Русија кон Македонија, фактички станал подарок за Русија, пишува СЈО.
