Заев: Економските мерки и фискалните политики даваат резултати, најголема потврда за тоа е растот на БДП на 4,1 отсто само за првиот квартал годинава

Растот на БДП во првиот квартал изнесува 4,1 отсто што е највисокиот квартален износ во последните две години. Математички прецизно има разлика , разликата од пред две години е 4, 1 отсто , а очекуваме разликата да се зголемува, затоа што во вториот квартал стапката на раст на БДП за 2017 година беше -1,8 отсто. – посочи премиерот Зоран Заев на денешната прес конференција на Владата.

Премиерот Заев истакна дека овие податоци ги демантираат небулозните тврдења на ВМРО ДПМНЕ дека нема напредок во економијата. Затоа што овој раст и оваа бројка се силен показател на исправноста на сите политики и програми кои се реализираат во таа насока.