Centar.mk
МАКЕДОНИЈА

Потона туристички брод во Будимпешта – има мртви

Тројца луѓе загинаа, а 16 се водат како исчезнати, откако брод за крстарење вечерва се преврте и потона во реката Дунав во Будимпешта, објави унгарската национална телевизија, повикувајќи се на информации од Министерството за внатрешни работи.

Телевизијата М1 објави дека 15 луѓе биле спасени по несреќата во близина на познатата зграда на Парламентот во центарот на унгарската престолнина по судирот со друг брод.

Нуркачи трагаат по исчезнатите, но силниот дожд во изминатите недели го зголеми нивото на реката со што е отежната потрагата.

На бродот имало 32 патници и двајца членови на екипажот. Државната новинска агенција МТИ објави дека поголемиот дел од патниците биле азиски туристи.

Властите забранија пристап до местото на несреќата, а на брегот има бројни спасувачки возила.

Можеби ќе ве интересира

НОЕМВРИ НОСИ ТЕМПЕРАТУРИ ДО 23 СТЕПЕНИ, НО И ВЕТЕР НАД 80 КМ/Ч – УХМР најавува затоплување, дожд и силно јужно струење

ДЕСК

КОШТА СО СИЛНА ПОРАКА ЗА ЗАПАДЕН БАЛКАН – Иднината на регионот е во Европската Унија, проширувањето мора да продолжи

ДЕСК

МИЦКОСКИ ОД БРИСЕЛ – Не сме песимисти, постојано предлагаме решенија за надминување на пречките кон ЕУ

ДЕСК