Давам целосна поддршка на иницијативата на потомците на децата бегалци за изучување на македонскиот јазик низ светот каде што живеат Македонци, напиша вечерва претседателскиот кандидат на СДСМ и коалицијата, Стево Пендаровски.
– Нашиот јазик е нашето македонско богатство, сега потврдено и признаено од целиот свет.
Ќе се залагам нашиот јазик да живее и да се унапредува, а тоа е можно само ако обезбедиме нашите сонародници од дијаспората да го учат и употребуваат македонскиот јазик.
5 мај не е само ден за втор круг избори, 5 мај е Ден на македонскиот јазик, во чест на Решението на Народната влада на Федерална Македонија која на 5 мај 1945 година ја усвои азбуката на македонскиот јазик како официјално писмо, објави Стево Пендаровски на својата фан страна на фејсбук.
