Заедничкиот кандидат за претседател, Стево Пендаровски, на средба со жителите на Старо Нагоричане зборуваше за можностите што ги отвораат интеграциите во НАТО и ЕУ.
„Тргнаа работите. Ако одиме со ова темпо, во јуни ќе добиеме датум за почеток на преговорите со ЕУ, со што се отвораат можностите, ќе можеме да повлекуваме пари од фондовите во висина од стотици милиони евра. Тоа значи пари и за развој на овој крај. Само така може земјоделството да го забрза развојот и младите да ги задржиме тука. Вашиот глас одлучува. Гласот за мене е глас за инвестиции, да влезат повеќе пари во државата, да има добра работа и поголеми плати. Затоа, на 21 април и на 5 мај дајте ја поддршката за напредокот, не само за мене туку и на оваа опција што води кон ЕУ и НАТО“, рече Пендаровски.
Другата опција, посочи тој, не нуди ништо, освен враќање назад и блокади.
„Гласот за Силјановска е глас за враќање назад. Да не дозволиме тоа да се случи, да не дозволиме парите да одат кај фамилијата наместо кај граѓаните“, додаде тој.
Затоа, повика Пендаровски, масовно да се излезе на избори, да се избере опцијата што нуди евrопски перспективи и развој, која нуди цврсто газење по патот кон ЕУ и НАТО кон сигурна иднина.
ПОПУЛАРНО НА ИНТЕРНЕТ...
