Елизабета Георгиевска, сопругата на претседателскиот кандидат на СДСМ, Стево Пендаровски, го поддржа преку видео-обраќање и се приклучи во претседателската кампања, во која не штедеше пофалби за него.
-Го знам 23 години и од секогаш знам дека е човек на кого можам да сметам, бескрајно посветен, чесен, храбар, секогаш тука за другите. Претседателот е само функција и нема да ја промени личноста. За него неуспех не е опција. Тој е столб на семејството, таков ќе биде и за својот народ. Одиме напред, порача неговата сопруга.
