Вчера била одржана средба на која се разгледувал последниот законски текст за Јавното обвинителство, јави Министерството за правда.
Оттаму преку сооопшение не посочија кој присуствувал на средбата, но истакнаа дека двете страни се согласиле консултациите за законот да продолжат, бидејќи клучните разлики и понатаму се присутни.
„Уште еднаш потенцираме дека сите политички партии треба да дадат приоритет на европската перспектива на нашата држава, земајќи ги предвид препораките на Европската Унија и меѓународната заедница кои се однесуваат на владеење на правото и правната држава, а кои се клучни за отпочнување на преговори со Европската Унија“, велат од Министерството за правда.
Премиерот Зоран Заев вчера во изјава за медиумите рече дека дел од сугестиите на ВМРО-ДПМНЕ за СЈО се прифатени. Заев дополни дека „бомбите“ нема да важат за случаите по 30 јуни 2017 година. На неговата изјава реагираше опозицијата од каде истакнаа дека тоа не е вистина и рекоа дека очигледно Заев го немал прочитано новиот предлог кој министерката за правда, Рената Дескоска, го доставила до претставникот на ВМРО-ДПМНЕ.
ПОПУЛАРНО НА ИНТЕРНЕТ...
