Осумгодишно дете од Прилеп е тешко повредено откако вчера во него удрил автомобил, на крстосница од улиците „Војводинска“ и „Ладо Ланецот“ во Прилеп.
Детето со тешки телесни повреди било итно пренесено во Градската болница-Прилеп каде му била укажана лекарска помош. Увид на местото на настанот извршила увидна екипа од Полициската станица Прилеп.
Седумгодишно дете велосипедист е исто така тешко повредено откако синоќа во него удрило комбе во скопското село Грчец.
Детето се здобило со тешки телесни повреди и било пренесено во комплексот клиники „Мајка Тереза“, каде му била укажана лекарска помош. Увид на местото извршила увидна екипа од СВР Скопје.
