Лекарите и здравствените работници денеска ќе протестираат по неколкуте напади врз доктори и медицински сестри што се случија неодамна. Протестот е со мото: „Доста е! Стоп за насилството врз медицинарите“.
Протестот ќе се одржи пред Клиничкиот центар на хелиодромот, пред ГОБ „8 Септември“, пред стара Градска болница, пред поликлиниките и здравствените домови, пред ординациите, пунктовите, во периодот предвиден за пауза, од 11 до 11.30 часот.
„Ова е жолт картон, ако не се промени нешто и не се подобрат условите во кои работиме, а работиме во супстандардни услови, ние уште под закана од тупаници да носиме одлуки за нечиј живот, тоа го нема никаде. Затоа реагираме дека сме цел на определени општествени структури кои револтот го насочуваат кон здравствениот персонал. Ние немаме спонзори, ова е од ентузијазам, со цел да се подобри статусот на здравствениот персонал. Ние сме волонтерско здружение, кое има желба за нешто подобро“, велат од Асоцијацијата на младите лекари и специјализантите.
НАЈЧИТАНО НА ИНТЕРНЕТ...
