Ѓорчев: Одговорност за доцнењето на хеликоптерите и авионите во пожарот во Велес

Владимир Ѓорчев од ВМРО-ДПМНЕ побара одговорност и оставки за, како што рече, доцнењето од пет часа на хеликоптерите и авионите во пожарот во Велес.

„Време е за оставки за министрите и директорите поврзани со пожарите во Велес. Имавме фрапантно, катастрофално доцнење на интервенцијата на авионите и хеликоптерите од 5 часа. Штетите се огромни, жално е да се гледа сето она што се случи во Велес и Велешко во изминатите 24 часа и за тоа мора да има одговорност. Пожарот почна во 11 часот, а авионите и хеликоптерите дојдоа дури во четири часот попладне, во 16 часот. Тоа е катастрофално, ужасно доцнење од 5 часа“, рече тој.

Факт е, додаде Ѓорчев, дека за вакво фијаско, и за ваков дебакл, за горење на шума што растела 50 години наназад мора да има одговорност. „Време е за оставки во Владата на Зоран Заев и неговите 28 министри“, рече Ѓорчев.