Возач починал на лице место, а четворица се повредени во тешката несреќа која се случи на патот Пробиштип-Крупиште.
МВР денеска со детали за трагедијата во која почина 18-годишниот В.Ј. од Кочани, управувајќи патничко моторно возило “Сеат Толедо“ со кочански регистарски. Тој изгубил контрола над возилото и излетал надвор од коловозот. Во незгодата починал на местото на настанот, а со тешки телесни повреди се здобиле двајца сопатници едно лице на 17 годишна возраст и И.А.(18) од селото Облешево, општина Чешиново-Облешево кои биле пренесени во Клиничката болница Штип за укажување на лекарска помош.
Другите двајца сопатници Ф.Д.(18) и Д.Г.(18) од с.Облешево, општина Чешиново-Облешево се здобиле со телесни повреди и биле пренесени во Здравствениот дом Пробиштип за укажување на лекарска помош.
Увид на местото на незгодата извршиле Јавен обвинител и увидна екипа од Полициската станица Пробиштип. Телото на починтиот е предадено на обдукција.
НАЈЧИТАНО НА ИНТЕРНЕТ...
