Четириест и шестгодишно лице од Битола загина во сообраќајна незгода што се случила вчера на магистралниот пат Прилеп-Битола кај селото Тополчани.
Како што соопшти МВР, во несреќата учествувале патничко моторно возило „опел астра“ со беровски регистарски ознаки, управувано од Ѓ.М.(60) од Берово, и патничко моторно возило „цитроен берлинго“ со битолски регистарски ознаки, управувано од З.С.(46) од Битола.
Со тешки телесни повреди се здобило малолетно лице, кое било сопатник во возилото од Берово, а со телесни повреди се здобиле возачот и уште двајца сопатници од истото возило кои биле пренесени во Клиничката болница Битола за укажување на лекарска помош.
Увид на местото на настанот извршиле Јавен обвинител и увидна екипа од Полициската станица Прилеп.
НАЈЧИТАНО НА ИНТЕРНЕТ...
